कामाख्या

एतदुपष्टम्भकम् एतत्परिभाषाद्वयज्ञापकम्।यथा भगवत्प्रयत्नेनैव सुग्रीवस्य पाण्डवानां च जयेऽविशिष्टेऽपि लोकाः वालिनं प्रति सुग्रीवस्य प्राबल्यं न व्यवहरन्ति। कौरवान् प्रति पाण्डवानां प्राबल्यं व्यवहरन्ति। तथा प्रकृतेऽपि लक्षान्तरेण निमित्तविघातस्थले प्रसङ्गस्य बाधकाबाधितफलोपहितप्रसङ्गत्वाभावेऽविशिष्टेऽपि क्वचिन्नित्यत्वं क्वचिदनित्यत्वमिति भावः। अस्योदाहरणं स्योन इति। तत्र हि गुणात्पूर्वं नित्यत्वादूङ्, गुणस्तु ऊङि यणा बाधितत्वादनित्यः। एवमस्मै इत्यत्रानादेशात्पूर्वं नित्यत्वात् स्मायादेशस्ततो हलिलोपेन बाधादनित्य अनादेश इति दिक्॥४८॥