कामाख्या

वासरूपविधिप्रसङ्गादाह ननुश्वःपक्तेति। ननु नानुबन्धकृतमसारूप्यमिति परिभाषया लुट्लृटोरसारूप्याभावादत आह कृतेआदेशेइति। तथा च आदेशनिष्ठवैरूप्यस्य स्थानिन्यारोपाद्वासरूपविधेः प्राप्तिरिति भावः। परिभाषायां लादेशपदं लाक्षणिकमिति तदर्थं दर्शयति आदेशेति। ननु लकारादेशयोरुत्सर्गापवादत्वाभावेन। 'हशश्वतो'रिति लङविधानमपि सार्थकम्। किं च लस्यादेशेषु इति षष्ठीतत्पुरुषमेवास्तु। लक्षणायां बीजाभावात्फलाभावाच्चेत्यत आहशत्रादिभिरिति।

अयंभावः - लकारे वासरूपविध्यभावाय न परिभाषा अरभ्यते किन्तु लादेशेषु तदभावाय। अत्रैव शतृविधायके तदनुवृत्तिः लिटः कानज्वेति वा ग्रहणञ्च प्रमाणम्। अत एव परिभाषायां लादेशेष्वित्येवोक्तन्न तु लकारेष्विति॥७॰॥